狼羊物語

昨晚和同事在銅鑼灣睇完"狼羊物語"，一個好勵志溫馨幾有啟發性既故事。可以話大人睇完有大人的得著，小朋友睇完也是。
大人的話，可以看到友誼的力量，一些我相信好多人也忘了，一種我們應响好細個嗰陣時已經學會的事，但是人越大是會忘記，甚至有人更會認為友誼是可以用其他野來交換的，但是响片中阿咩同哥夫的友誼並沒有這樣的計算，甚至可以為對方付上寶貴的生命，你能做到嗎？除了友誼外，你也看到現實世界的殘酷，正如阿咩在雪山上問哥夫”如果我地第一次見面時，你知道我是隻羊, 你會吃我嗎?”哥夫也只能如實回答”會”；而牠們為了各自可以繼續在族群中生存，牠們要出賣自己的朋友;為了那份友誼(亦可以話愛情)而背棄了自己的家人或朋友，那是多麼的可悲呀～
小朋友的話，就是教導小朋友交朋友不要有偏見，要保護身邊的人，而且要為理想奮鬥。看似係簡單，但你又做到了多少呢？葛民輝配音做狼可以，但如果配阿咩果位唔係林曉峰既話可能仲好， 佢把聲太唔知點啦，雖然話阿咩係好鬼柔弱，但我唸唔使咁囉。當你想像掌門人林曉峰嘻哈鬼怪般在做節目的模樣，突然變成一個陰聲細氣的小綿羊阿咩，這樣的分身，真是令人有點毛骨悚然呢~另外2個小時，是不是長了點呢~ 我其實在幾個段落我已經覺得”完啦～吓～仲有？！”其中一個是哥夫和阿咩齊齊河，一個是阿咩叫哥夫吃掉牠，還有就是阿咩看到山的另外一面大叫哥夫去看時；雖然有點Sad，但是肯定會比現在的好好多，可能是想小朋友開心啲吧～
總括而言，這是一套值得一看的戲，就算你不睇劇情，睇畫工也不錯的～